作為打工仔，返工最緊要就緊係放飯啦！ 食番餐好嘅晏晝，絕對係成日嘅能量來源！喺葵興嘅商廈KCC入面，聽講有間好高質嘅蛋包飯，究竟係真唔係？小編就專誠入去試試！KCC座落喺傳統工業區入面，雖然由葵興地鐵站有天橋接駁，但講真應該都係做附近打工仔生意多。
如果喜歡我們的文章，別忘記讚好和追蹤我們的粉絲專頁喔！
🔖Facebook: 揀飲．簡食記
🔖MeWe: 揀飲．簡食記
🔖Instagram: kansbestpick
📹Youtube: 香港生活台
喺商場嘅一樓就有幾間餐廳，今日嘅目標就係度啦！ 店名叫「EGG O’CLOCK」，食哂字咁一睇就知係賣蛋料理。
成個menu都係見到蛋嘅元素，唔同配搭嘅蛋包飯、三文治、常餐都有！當中蛋包飯嘅配搭仲好L多，牛肉、魚柳、豬扒、漢堡，你諗到咩都幾乎有齊哂！
原條鰻魚蛋包飯 套餐（$75)
咁多選擇，唔想諗就揀個最貴嘅！平時去supermarket買條鰻魚都成50蚊啦，蛋包飯跟埋嘢飲都係75蚊，剩係個價都抵啦～
雖然舖仔細細，但係門口都有堂食嘅檯可以坐低食。唔洗十分鐘，新鮮熱辣就整起，老闆仲好nice提醒食完要自己執返。
嘩！雖然係用外賣盒裝，但擺盤真係一啲都唔馬虎－原條鰻魚真係成個盒打斜放先裝得哂，鰻魚煎得微焦，食落帶少少焦香，魚肉都好嫩滑！
個蛋包飯真係落足牛乳去整，所以入口好嫩好滑，加埋海量嘅鰻魚汁，送飯真係唔怕唔夠汁！仲要有埋沙律菜，芝麻醬溝埋易入口。 跟餐仲有嘢飲，真係超值呀！！
咁嘅價錢真係搞手但求打個和囉... 店主仲有提供位置畀唔同嘅fc擺放應援 作為波板糖同埋BB蛋嘅小編又點會客氣呢？
Pss/ 睇到話佢哋做到12月22號就唔做啦... 有機會就把握去試一波啦...希望搵個地方再開啦！
如果喜歡我們的文章，別忘記讚好和追蹤我們的粉絲專頁喔！
🔖Facebook: 揀飲．簡食記
🔖MeWe: 揀飲．簡食記
🔖Instagram: kansbestpick
📹Youtube: 香港生活台
▌Egg O'Clock
📍地址：葵涌葵昌路72-76號活@KCC 1樓112號舖
⏰營業時間：早上8時至晚上8時（星期六日中午12時至3時）
0 個留言