【香港 | 佐敦美食】🇯🇵日本はま寿司HAMA SUSHI猛龍過江登陸佐敦！ 壽司郎對面打對台 熱潮話咁快就過？

近年嚟愈嚟愈多日本嘢嚟香港開店，最近呢間はま寿司都應該係熱話啦！六月底開幕，開正喺佐敦壽司郎對面，迫到壽司郎要出475日開業祭迎戰，又係唔係真係咁有料先？不過唔知係咪熱潮已過，平日晏晝點幾鐘嚟到，竟然等幾張飛、十零分鐘就已經有位入....

【揀飲．簡食記全新會員系統 BEST CLUB，立即加入獲取更多獨家優惠 !】

👍GOOD POINT ① 拎飛資訊夠清晰

拎飛可以揀定想坐卡位定係坐吧檯都得，門口個MON都KEEP住UPDATE叫緊嘅冧把同人數。即使叫號過咗都唔怕，只要唔過60分鐘都可以補飛，可以一早拎定唔使企喺度等咁耐！

👍GOOD POINT ② 種類夠多 甜點大推！

如果你想食厭咗油甘魚、三文魚、玉子燒等等嘅經典壽司選擇，嚟はま寿司係會有驚喜嘅！

因為無論係壽司、軍艦嘅配搭都好新鮮，金目鱔、填鯥、松葉蟹腳等香港少見啲嘅選擇，就連玉子燒都有幾款唔同醬料，焦糖、明太子、芝士沙律醬等等，各式手卷、章魚小丸子都有，可以滿足嚐鮮嘅願望！

好似今次叫嘅松阪牛壽司，係好好味同好大份，個程度就好似食緊すき家壽司版咁！

佢哋個甜點都做得出色，足料好食，呢點抵讚！

👍GOOD POINT ③ 醬油選擇多

去開壽司郎就有三隻醬油喺檯面，はま寿司就有四隻唔同嘅醬油，有北陸風嘅日高昆布、九州風、關東風嘅濃口醬油等，可以有唔同嘅味道體會！

👍GOOD POINT ④ 環境光猛

成間餐廲入面光猛，而且因為運壽司嘅輸送帶無壽司郎咁高，個壓迫感無咁大！仲有比較得意嘅係佢條輸送帶係無軌設計，但叫幾多碟都停得定面前，幾有趣嘅！

睇到呢度，覺得應該都唔錯？其實都有幾多做得未夠好嘅位呀！

👎BAD POINT ① 壽司飯好鬆

應該唔係小編筷子揸得衰嘅問題，好多嚿壽司細細力夾都解哂體，雖然啲飯加入咗昆布同埋用咗北海道越光米，但係咁食落真係有少少狼狽⁄(⁄ ⁄•⁄ω⁄•⁄ ⁄)⁄！

👎BAD POINT ② 炸物唔得

叫咗唐揚諗住試試，點知真係大失所望，個炸皮真心好厚，就算入面件雞都算嫩滑，真係好難過關，最後都要搣皮食囉(ꐦ°᷄д°᷅)

👎BAD POINT ③ 價錢偏貴

同款嘅壽司喺壽司郎嚟講，係平少少，開業祭嘅主打款式亦都有少少太平凡，好似三文魚腩竟然都係開業祭嘅重頭宣傳對象，真係有少少黑人問號？

埋單食咗13碟，加埋一都要接近250蚊ㅍ_ㅍ

小編就覺得嚟一試無妨，雖然有好嘅地方，但亦都有好多地方值得改善。以依家嘅質素嚟講，未係咁吸引到人轉場！唔知嚟食過嘅你，對はま寿司又有咩評價？不妨留言或者DM同我哋分享吓！

【揀飲．簡食記全新會員系統 BEST CLUB，立即加入獲取更多獨家優惠 !】

▌ はま寿司

📍地址：佐敦彌敦道238號1樓1號舖
⏰營業時間：早上10時30分至晚上10時30分
FACEBOOK : はま寿司