【香港 | 荔枝角美食💛】環境Decent 食物Excellent！一探荔枝角隱世美食花園 Pet Friendly高質西餐廳！

出街食西餐一定好＿貴？邊個話㗎！喺荔枝角就有一間「環境decent、食物excellent」嘅西餐廳，仲要Pet Friendly，位置仲好方便添！

【詳細餐廳地址及地圖導航在本文底部】

講緊嘅就係呢間喺D2 Place一期入面嘅「Food Garden」，位置唔係好顯眼，上到三樓仲要行到最篤篤先見到。

餐廳裝修行田園風，openrice雖然話佢係一間coffee shop，不過佢嘅菜式真係好多款式。要數佢嘅招牌菜，一定要數佢嘅乳豬同埋豬鞍架！Lunch Set仲特別抵食添！

▌前菜沙律

平時去西餐廳食嘢通常都嗌湯飲，不過嚟親呢度識揀一定揀沙律！

就算小編平時唔多鐘意食沙律，都一次就愛上，因為佢嘅黑醋配搭實在完美！

▌招牌香草豬鞍架配蘑菇汁

出街食豬成日都驚會好韌，食呢個豬鞍架就一定唔洗擔心！

厚切嘅豬鞍架焗到啱啱熟透，四邊嘅脂肪好香豬油味，食落啲肉仲好軟熟多汁，係必試之選！

▌松露醬薯條

新鮮炸起嘅薯條，本身已經夠哂吸引！上面加埋一粒粒嘅松露，淡淡微香，加埋脆卜卜嘅薯條，係天作之合呀！

▌夏威夷手工薄餅

手工薄餅係偏薄身，經典嘅配搭有菠蘿有火腿。餅皮微焦都好煙韌，甜甜哋幾唔錯！

夜晚嚟到想飲返兩杯happy吓？呢度都仲有唔少本地同進口嘅啤酒選擇，好似有淡淡花果香嘅大三元或者嚟自台灣嘅柯仔黑啤，真係好正！

同所處嘅D2 Place商場一樣，呢間餐廳都係pet friendly嘅，啱哂各位奴才同毛孩喺天台放完電之後，喺度食返餐好充吓電就啱哂！不過當然，自律地將毛孩入袋先入餐廳就最好啦！ 

Food Garden ETC

📍地址：荔枝角長義街9號D2 Place一期3樓303-304號舖
⏰營業時間：早上11時30分至晚上10時
INSTAGRAM：foodgardenhk