【香港 | 飲食新聞】最佳🇯🇵日本梨非佢莫屬？鮮甜多汁新潟🍐西洋梨Le Lectier🍐亞洲梨Shinko登陸香港！

數數手指頭，接近兩年無得返鄉下，係咪好掛住日本嘅美食呢？壽司、刺身、壽喜燒等等等等，又點少得日本嘅水果呢？日本嘅水果一向都好高質，仲好受香港人歡迎添！最近嚟自新潟嘅高級西洋梨Le Lectier同埋亞洲梨Shinko就正式登陸香港！

【揀飲．簡食記全新會員系統 BEST CLUB，立即加入獲取更多獨家優惠 !】

呢兩種梨品種都係嚟自法國，味道突出但出咗名難種，每年嘅收成都好有限，所以又叫做「貴婦梨」，但佢哋同新潟嘅天氣係天作之合，正常日本梨八月開始收成，佢哋就係由十月開始年尾當造。既然係咁正嘅極品，小編當然唔可以錯過啦！

🍐LE LECTIER #新潟西洋梨

未打開個盒已經聞到好香嘅梨味！西洋梨嘅表皮係金黃色，單係講賣相已經好得，包裝入面都有教大家點樣分熟成啱食嘅梨，可以根據梨嘅外型同埋顏色，判斷啱食嘅時候。

係咪好急不及待想知味道又係點嘅呢？

切開梨嘅時候，明顯感覺到佢特別多汁，放入口時就覺得同平時食開嘅啤梨有D唔同，特別多汁得嚟梨身有啲軟淋淋！

🍐Shinko #亞洲梨

亞洲梨就係大梨嚟，每個400-600G重，口感就比較軟淋淋，切開嗰時仲好多汁添！

個味道唔會太甜，甜得嚟又帶少少酸，係好特別嘅口感！

咁正嘅嘢，最啱就係趁過節同屋企人或者朋友分享，咁仲唔sweet到震？

等等，呢種日本嘅味道可以喺邊度搵到？無聽錯呀你！喺香港嘅日式超市，好似DONDON DONKI咁就有得賣啦！數量有限又期間限定，錯過咗依家就要等下年㗎啦！仲唔快啲買返個嚟試試？